Dito naming pinagbunyi ang kalayaan
Kung saan malaya kaming naghahawakan
Malayo sa mapanghusgang katuwiran
Pag-ibig naming walang hangganan
Sa himig ng mga awit kami sumayaw
Sinabayan, mga ilaw na gumagalaw
Kapiling an gaming mga kapatid
Ngayon dito sa bahagharing langit
BANG! BANG! BANG!
Sa isang iglap, tumigil ang mundo
Muhi nila sa amin ay bumuhos
Langit naming sa kanila’y impyerno
Sakit sa lipunan kami’y magpakatotoo
Ibabaon kita sa bitak na lupa
Sa langit sana tanggapin ka Niya
Lumuha man sila na parang santo o santa
Di ko ito alintana pagka’t wala ka na
Sa mundong walang ibang ginawa
Kundi manghusga sa lahat ng kapwa
Kaya paalam minamahal kong Orlando
Lalaban ako hanggang sa mag-kita tayo.
